Íbúðaþjónustan er sjálfstæð deild innan Hrafnistu sem heldur utan um alla þjónustu sem Hrafnista veitir íbúum í þjónustu- og öryggisíbúðunum. Markmiðið er að veita samhæfða og góða þjónustu við íbúana, sem hentar hverjum og einum. Við viljum aðstoða fólk að viðhalda heilsu og virkni eftir flutning og hjálpa fólki að finna sig heima á nýjum stað.

Þjónustufulltrúi íbúðaþjónustu Hrafnistu er Jenný Gunnarsdóttir og er hægt að leita til hennar í síma 664 -9560 frá kl. 8.00 til 16.00 alla virka daga. Einnig eru viðtalstímar á mánudögum kl. 9:00 -12:00 á 1. hæð Hrafnistu. Þjónustufulltrúinn tekur á móti öllum óskum um þjónustu, veitir almennar upplýsingar og leiðbeinir íbúum eftir föngum.

Í neyðartilfellum utan hefðbundins skrifstofutíma er hægt að ná sambandi við vaktmann í síma 664- 9476.

Mötuneyti er staðsett á 1. hæð Hrafnistu. Þar er hægt að kaupa morgunmat, hádegismat og síðdegiskaffi. Panta þarf mat fyrir kl. 10:00 að morgni í síma 585 9575.

Húsvörður er Víglundur Sívertsen og hann sér um allt viðhald sameignar og á fastabúnaði íbúða. S: 693-9509.

Öryggisvöktun er hægt að sækja um hjá þjónustufulltrúa t.d. öryggishnappa sem eru tengdir við síma vakthafandi hjúkrunarfræðings allan sólarhringinn.

DAS-klúbburinn er starfræktur fyrir íbúa þjónustu- og öryggisíbúða á lóðum Hrafnistu. Meðlimir í honum hafa aðgang að ýmiskonar íþróttastarfi, meðal annars hópleikfimi, vatnsleikfimi, boccia, gönguklúbbi og ýmsu fleiru. Auk þess hafa meðlimir aðgang að vinnustofu á Hrafnistu á opnunartíma og þar er hægt að leggja stund á margvíslegt handverk undir handleiðslu leiðbeinanda eða bara nýta sér aðstöðuna. DAS-klúbbsfélagar fá afslátt af skemmtunum á vegum Hrafnistu eins og Haustfagnaði og Þorrablóti og veglega afslætti hjá völdum fyrirtækjum í bænum. Gjaldið fyrir DAS-klúbbinn er 900.- kr. á mánuði.

Opið félagsstarf er fjölbreytt og stendur öllum til boða að taka þátt. Fastir liðir eru meðal annars morgunstund, helgistundir, bingó, böll og söngur. Dagskrá félagsstarfsins er auglýst á auglýsingatöflum heimilisins.

Hjúkrunarfræðingar Hrafnistu eru með viðtalstíma einu sinni í viku. Þar er t.d. hægt að fá skipt á sárum, mæla blóðþrýsting, fá ráðgjöf og fleira.

Sjúkraþjálfun er í boði fyrir íbúa þjónustu- og öryggisíbúða gegn tilvísun frá lækni. Síminn er 585-3080.

Sundlaug og heitir pottar eru staðsett á endurhæfingardeildinni og stendur íbúum opin endurgjaldslaust. Boðið er upp á vatnsleikfimi tvisvar í viku. Sundlaugin er opin alla virka daga frá kl. 8:15. Sími sundlaugar er 585-3085.

Hárgreiðslustofa er á 1. hæð Hrafnistu og stendur íbúum opin. Stofan er opin alla virka daga frá kl. 8:00 – 14:00. Veitt er hárþjónusta bæði fyrir dömur og herra. Tímapantanir og nánari upplýsingar er í síma 585-3172. Netfang: gudhar@mmedia.is.

Fótaaðgerðastofa og snyrtistofa er í kjallara Hrafnistu og stendur íbúum einnig til boða. Tímapantanir í síma: 585-3171. Opnunartími er þriðju-miðviku- og fimmtudaga frá kl. 10- 13:00.

Félagsleg heimaþjónusta er veitt frá Félagsþjónustu Hafnarfjarðarbæjar. Sótt er um í síma 585-5700.

Heimahjúkrun er veitt frá þeirri heilsugæslustöð þar sem heimilislæknir viðkomandi er starfandi.

Prestþjónusta er veitt frá Fríkirkjunni í Hafnarfirði. Haldnar eru helgistundir í menningarsal á fimmtudögum.

Bankaþjónusta er í höndum Íslandsbanka sem er með bankaútibú og þar er einnig hraðbanki á 1. hæð. Opnunartími: Þriðjudaga og föstudaga frá kl. 9:30 – 12:00.

Sími: 585-3203 .

Verslun er á 1. hæð Hrafnistu. Þar er hægt að nálgast ýmsar nauðsynja- og gjafavörur.

Þvottur á líni er mögulegur en þá þarf að merkja fötin með númeri frá saumastofu Hrafnistu til að fyrirbyggja að þvotturinn tapist. Íbúar koma sjálfir með þvottinn í þvottahúsið.

Saumastofa sem sinnir minniháttar fataviðgerðum er staðsett í kjallara Hrafnistu. Íbúar sem vilja senda föt í viðgerð fara sjálfir með fatnað á saumastofuna. Opið er frá kl. 11:00 – 12:00 á virkum dögum.

ATH: Íbúar við Naustahlein og Boðahlein hafa einnig aðgang að íbúðaþjónustu Hrafnistu í Hafnarfirði

Verðskrá fyrir þjónustu á vegum Hrafnistu fyrir þjónustu og öryggisíbúðir. Gildir frá 1. febrúar 2012

Sjómannadagsráð | Kt. 570269-2679 | Hrafnistuheimilið við Brúnaveg | 585-9301 |