Eftirfarandi grein er í Morgunblaðinu 21. febrúar 2011
Allnokkur fréttaflutningur hefur verið í útvarpi og blöðum um stöðu aldraðra á vist- og hjúkrunarheimilum. Þessar umræður hófust þá heimilismaður á Hrafnistu í Hafnarfirði vakti athygli fjölmiðla á því að hún hefði sent ráðherrum bréf vegna óánægju sinnar um að halda eftir af nærri 400 þús kr. mánaðarlífeyri aðeins 65 þús. krónum. Hin umræðan snérist svo um hve oft heimilisfólk Hrafnistu í Reykjavík væri baðað, og óhæft ef slíkt gerðist aðeins einu sinni í viku. Látið var að því liggja að á milli vikulegra baðferða væri ekkert hreinlæti ástundað ef heimilismenn þyrftu á aðstoð að halda.